Gjeneralmegafoni

Nuk kam asistuar më parë në ndonjë diskutim buxheti, as nuk kam parë, ose të paktën mjaftueshëm për të shprehur një mendim mbi mbarëvajtjen e një mbledhjeje të tillë. Edhe eksperienca e huaj është për mua shumë e cekët, dhe kjo ka të bëjë me siguri me faktin që diskutimet për projekt buxhetet janë të gjatë, të lodhshëm, teknikë, dhe kësisoj fatkeqësisht interesi i njerëzve për to humbet. Megjithatë, për shkak të mbimediatizimit të mbledhjes së datës 3 shkurt të Këshillit Bashkiak Tiranë, e theva këtë rregull, duke ndjekur zhvillimin e diskutimit. Duhen nënvizuar disa momente të këtij diskutimi...

   Miti i ndershmërisë së kryeministrit, nëse nuk ka rënë ende, duhet të paktën të mos errë sytë e atyre që kanë aftësi të shohin se manovrat e tij në prag të zgjedhjeve po marrin një drejtim kryekëput diktatorial, në aspektin më të frikshëm të tij. Shembulli më i fundit dhe më i qartë, sa dhe verbërues është ligji i ri për pastërtinë e figurave, ose ndryshe i lustracionit.